<<<SCALDIN BRAGG...

Terry on da mandolin, an backin vocals tae
Diddlin' a' aboot da place each time he his tae play
Maurice! on da bass guitar, is staandin braaly still
He'll plunk awa tae ony tune, boy, du kens he will

Mark is in da backgrund, keepin up da beat
But waatch his silly antics, dir aften braaly neat
Peter on da guitar, he says he's playin in 'C'
An he seems tae hae a' da tunes, right aff tae a 'T'

Susan on da fiddle, did yun gut come fae cats?
Muckle boots, swingin bum, an shawin aff her tats
Jamie on da vocals, how dis he mind da wirds?
Dey most be stashed atin his head, in dir mirds an mirds.

Taegidder dey are Scaldin Bragg, a lightsome peerie baand
At Irish songs, and Jonny Cash dey like tae try dir haand
Dey hae a spree, an sometimes play braaly, braaly fast
So if you git tae hear dem, I'm sure you'll hae a blast!